Xa temos os gañadores do concurso de postais de Nadal. Para elixir as tres mellores tivemos en conta non só o deseño, senón tamén a mensaxe para demostrarlles aos nosos maiores por que son un referente para os máis novos.
1º premio: Ayoub Rahouani
2º premio: Laura Quiroga
3º premio: Beatriz Loredo
Queremos desexarvos un bo Nadal e un próspero Aninovo en compañía dos vosos seres queridos!
Graciñas a todos/as pola vosa participación.
O martes 12 de decembro visitounos Cristian Martín, socio fundador de “Matronas e Nais” e profesor de universidade, para ensinarnos a importancia dos primeiros auxilios en lactantes nun taller dirixido ao alumnado de segundo curso do Ciclo Superior de Educación Infantil.
Na profesión para a que se prepara o alumnado nesta titulación, poden existir múltiples tipos de accidentes sobre os que se debe actuar con profesionalidade emáxima rapidez.
Nunha primeira parte da xornada traballáronse técnicas e instrumentos para conseguir unha reacción axeitada ante un accidente co noso futuro alumnado.
Na segunda parte do taller aprendimos a realizar masaxes para bebés e como estes relaxan, crean un vínculo afectivo entre o bebé e o adulto e tamén posúen carácter preventivo ante flatulencias, algo que afecta moito ás nosas criancias debido á súa alimentación.
