O luns 29, o alumnado do Ciclo Medio Dual de Instalacións Eléctricas e Automáticas asistiu a unha charla coa empresa EMERXE, na que se´abordaron conceptos técnicos de enerxía solar fotovoltaica, tendencias actuais do sector e normativa.
Mes: Xaneiro 2024
Charla programa “A ponte entre o ensino medio e a USC”
O pasado martes 23 de xaneiro, recibimos no centro a Javier López González, profesor da USC no Campus de Lugo, para impartir unha charla dentro do Programa “A ponte entre o ensino medio e a USC”. Asistiu o alumnado de 2º CS Educación Infantil.
Obradoiros sobre educación afectivo-sexual
O mércores 24 de Xaneiro estivo no centro Noelia Moreau, , do Centro de Sexoloxía “Con mucho gusto”. Impartiu dous obradoiros sobre educación afectivo-sexual: “De bo rollo!” para 1° de FP Básica, e actividades de “Porno(n) Educar” para os grupos de Servizos Socioculturais e á Comunidade, Electricidade e Electrónica, Administración e Xestión, Transporte e Mantemento de Vehículos.
Esta actividade foi proposta e coordinada polo CIM de Ribadeo.
Día da Paz e a Non Violencia – Imagine en Lingua de Signos
O alumnado de 2º de APSD interpreta a canción “Imagine” de John Lennon en Lingua de Signos Española para conmemorar o Día da Paz e a non Violencia, actividade encadrada no módulo de Apoio á Comunicación. Agredecémoslle á Federación de Asociacións de Persoas Xordas de Galicia a súa inestimable axuda.
CHARLA-COLOQUIO SOBRE ALIMENTACIÓN SAUDABLE
O pasado venres 19 de xaneiro, a dietista-nutricionista Olga Yanes veu ao noso Centro para falarnos da importancia de manter unha alimentación saudable.
CHARLAS-COLOQUIO SOBRE O PARLAMENTO DE GALICIA
Dentro do programa Charlas-Coloquio sobre o Parlamento de Galicia, e co obxectivo de espallar os valores democráticos entre a xente xove, o alumnado da familia de Administración e Xestión coñeceu o traballo que se realiza no Parlamento da man de tres ex-parlamentarios.
O alumnado participou da charla- coloquio formulando preguntas relacionadas co seu percorrido político e a súa experiencia parlamentaria.
Publicada a convocatoria das probas para a obtención do título de graduado en ESO para maiores de 18 anos
Publicada a Resolución do 27 de xaneiro de 2023, da Dirección Xeral de Formación Profesional, pola que se convocan as probas para a obtención do título de graduado en educación secundaria obrigatoria para maiores de dezaoito anos nas convocatorias de maio e setembro, e se ditan instrucións para a súa realización (código de procedemento ED540A).
Os prazos de presentación de solicitudes de inscrición nas probas serán:
Para a primeira convocatoria: do 5 ao 21 de febreiro de 2024, ambos os dous incluídos.
Para a segunda convocatoria: do 8 ao 19 de abril de 2024, ambos os dous incluídos.
https://www.edu.xunta.gal/portal/sites/web/files/anunciog0655-040124-0001_gl.pdf
DÍA DA PAZ: 30 DE XANEIRO.
O próximo día 30 de xaneiro o centro conmemorará o Día da Paz e para iso entre outras actividades vaise elaborar un mural con mensaxes pacifistas.
Escolle unha frase dalgún premiado co Nobel da Paz, escríbea en galego co autor da cita e deposítaa na caixa habilitada da biblioteca.
Data límite: 26 de xaneiro
PROBAS DE ACCESO A CICLOS FORMATIVOS DE GRAO MEDIO E SUPERIOR
Ven de ser publicada a Orde do 21 de decembro de 2023 pola que se regulan as probas de acceso aos ciclos formativos de grao medio e de grao superior de formación profesional do sistema educativo, e se convocan para o ano 2024 (códigos de procedemento ED312C e ED312D).
Prazo de presentación de solicitudes:
- Probas de acceso a ciclos formativos de grao medio: O prazo de presentación de solicitudes estará abranguido entre os días 26 de febreiro e 8 de marzo de 2024, ambos os dous incluídos.
- Probas de acceso a ciclos formativos de grao superior: O prazo de presentación de solicitudes estará abranguido entre os días 29 de xaneiro e 9 de febreiro de 2024.
As probas de acceso aos ciclos formativos de grao medio e superior teñen por finalidade permitir ás persoas que non posúan o título de graduado en educación secundaria obrigatoria nin un título profesional básico, (para acceso a ciclos medios) ou o título de bacharelato ou título de técnico profesional (nocaso dos ciclos superiores), nin outros estudos equivalentes para os efectos de acceso, continuar a súa formación accedendo aos ciclos formativos de formación profesional de grao medio e superior, nunhas condicións suficientes para cursaren con aproveitamento estas ensinanzas.
VISITA DO ALUMNADO DE 1º APSD AO CENTRO DE DÍA
O mercores 20 de decembro o alumnado de 1 APSD visitou o Centro de Día para levar a cabo unha actividade de Nadal consistente na elaboración dun árbol de pompons de la. Moitas grazas a todo o persoal por acollernos con tanta amabilidade. Bo Nadal!
