Este luns 24 de febreiro celebramos o Día de Rosalía que se conmemorou na xornada de onte co gallo do seu nacemento hai 188 anos.
O alumnado de 1º ASPD confeccionará un gorentoso “Caldo de gloria” que poderá degustar a comunidade educativa amenizada por unha foliada de gaiteiros e gaiteiras. O mesmo grupo e o alumnado de 1º de Infantil efectuarán a lectura do poema “Miña casiña. meu lar” da egrexia autora e realizarán cadros e collage que se exporán ao longo do centro.
Este vindeiro marzo celebraremos no centro o I certame de fotografía “Fotoloxía da Mariña“, no que poderán participar alumnado, persoal docente e non docente, nace co obxectivo de que os/as participantes expresen a través de imaxes a esencia e singularidade da contorna en que viven e a compartan con toda a comunidade educativa.
A pesar de que a temática aparece reflectida nas bases (fotografías relacionadas coa natureza, paisaxe rural ou urbana, sustentabilidade, actividades humanas vinculadas co territorio…) a idea é non restrinxir a creatividade dos/das participantes permitindo un espectro o máis amplo posible no que a única condición é a localización na Mariña ou no Occidente asturiano, pois a maioría do noso alumnado ten esa procedencia.
Consulta as bases e participa!
O pasado martes 19 de febreiro achegouse ao noso centro Álex Ferradás, persoa con discapacidade física, tetraplexia, a consecuencia dun accidente. Nun encontro co alumnado de 1º e 2º curso do Ciclo Formativo de Grao Medio de Atención a Persoas en Situación de Dependencia, explicoulles o seu día a día e a importancia que os nosos futuros profesionais terán no desenvolvemento do proxecto de vida de persoas coma él.
O pasado día 4 de febreiro, o noso alumnado de 1º e 2º Ciclo Formativo de Grao Medio en Atención a Persoas en Situación de Dependencia estivo visitando dous recursos: a vivenda comunitaria para persoas maiores “La Villa”, en Rinlo e, posteriormente as instalacións e actividades da fundación “Eu son”, en Burela, concretamente o centro de día e o centro ocupacional para persoas con discapacidade intelectual.