Dende a Consellería de Cultura, Educación e Universidade actualmente establécese o denominado procedemento ARA (avaliación, recoñecemento e acreditación de competencias) como unha vía dispoñible de xeito permanente e aberto para que as persoas poidan acceder ao recoñecemento, a avaliación e a acreditación das competencias profesionais adquiridas a través da experiencia laboral ou de vías non formais de formación.

As persoas que estean interesadas en participar no procedemento poden informarse consultando os detalles na Orde do 4 de xuño de 2021 pola que se regula, no ámbito educativo da Comunidade Autónoma de Galicia, o proceso de acreditación de competencias profesionais adquiridas a través da experiencia profesional para unidades de competencia do Catálogo nacional de cualificacións profesionais.

Dende o centro educativo tamén estamos dispostos a axudarche a resolver as dúbidas que poidas ter en relación a este procedemento. Podes informarte chamando ao 982 128 894