DEPARTAMENTO DE INFORMACIÓN E ORIENTACIÓN PROFESIONAL   

  Este departamento está formado por:

–  A orientadora, xefa do departamento. 

–  A coordinadora de emprendemento, xefa do departamento de FOL. 

–  Un membro do profesorado de cada familia profesional que existe no centro:  Transporte e Mantemento de Vehículos, Electricidade e Electrónica,  Edificación e Obra Civil, Administración e Xestión e Servizos Socioculturais e á Comunidade.

  As competencias deste departamento son:

• Elaborar, as propostas de organización da orientación educativa e profesional, e o  plan de acción titorial.
• Informar o alumnado e, en xeral, a calquera persoa interesada sobre as oportunidades de acceso ao emprego, da oferta de cursos de perfeccionamento, reciclaxe ou especialización, así como das posibilidades do procedemento do recoñecemento, avaliación, acreditación e certificación da competencia profesional, das cualificacións profesionais e da formación ao longo da vida.
• Informar e orientar as persoas que participen no procedemento de recoñecemento, avaliación, acreditación e certificación da competencia profesional acerca dos itinerarios formativos que lles permitan, logo de rematado o proceso de avaliación, completar a competencia en que sexan deficitarios para conseguir a titulación de formación profesional ou o certificado de profesionalidade correspondente. 
• Planificar, desenvolver e levar a cabo as accións de información e orientación no procedemento de recoñecemento, avaliación, acreditación e certificación da competencia profesional.
• Motivar ao alumnado e ás persoas que xa rematasen os seus estudos e facilitarlles acceso aos programas e ás actividades de emprendemento.
• Planificar a actividade dos viveiros de empresas.
• Divulgar  as accións de emprendemento.
• Realizar estudos de inserción laboral do alumnado, así como realizar e coordinar os estudos de mercado de traballo.
• Xestionar a bolsa de emprego.
• Coordinar a orientación laboral e profesional con outras administracións, entidades ou institucións.
• Coordinar, apoiar e ofrecer soporte técnico ás actividades de información, orientación e titoría que o profesorado realice no centro co seu alumnado.
• Colaborar na detección de dificultades ou problemas de desenvolvemento ou aprendizaxe, así como participar no diagnóstico, no deseño e na aplicación de medidas de apoio.
• Contribuír a que a avaliación desenvolvida no centro se axuste aos principios de avaliación continua, formativa e orientativa.
• Elaborar propostas acerca dos perfís profesionais que demanden as empresas do contorno.
• Elaborar a programación do departamento e a memoria que avalíe todas as actuacións.