O pasado luns 11 de Marzo a Asociación Stop Accidentes achegouse ao centro a falar de Seguridade vial co alumnado de Educación Infantil e FPB de Mantemento de Vehículos.
Autoprotección
TALLER DE PRIMEIROS AUXILIOS – DEPARTAMENTO DE FOL
🚨🚑 Nestes días o alumnado de primeiros cursos dos ciclos de Xestión Administrativa, Administración e Finanzas, Instalacións Eléctricas e Automáticas, Electromecánica e Mantemento de Vehículos, Automoción e Edificación e Obra Civil, participaron nun taller práctico de emerxencias e primeiros auxilios. Durante a formación, organizada polo departamento de FOL e impartida pola docente do departamento de Servizos Socioculturais e á Comunidade do noso centro, Loida Alcaraz, o alumnado recibiu instrucións fundamentais referidas ao emprego do desfibrilador e a práctica da RCP, entre outras. 🚨🚑
FORMACIÓN EN MANEXO DO DISPOSITIVO DESA E PRIMEIROS AUXILIOS
O pasado 27 de novembro, o equipo directivo, profesorado e persoal do centro recibiron formación en manexo do dispositivo DESA e primeiros auxilios, da man do INSGAPE. Leváronse a cabo prácticas das maniobras de estabilización e posición lateral de seguridade, reanimación cardio-pulmonar (RCP), e diferentes estratexias para resolver atragantamentos, incluída a maniobra de Heimlich. Esta formación interna enmárcase dentro do Plan de Auto-protección do centro, e ten como obxectivo incrementar e renovar os coñecementos en materia de primeiros auxilios.
Concienciación en materia de prevención de riscos laborais- Fundación Laboral de Construcción de Galicia
O martes 14 o Departamento de FOL organizou unha xornada de actividades de concienciación en materia de prevención de riscos laborais nas familias de Mantemento de Vehículos, Instalacións Eléctricas e Automáticas, e Construcción e Obra Civil. Esta actividade enmárcase dentro da campaña “Seguridade e saúde: + cerca da escola“, da Fundación Laboral de la Construcción de Galicia.
Participou alumnado do Ciclo Medio de Electromecánica do Vehículo, 2º Ciclo Medio Dual de Instalacións Eléctricas e Automáticas, 2º curso do Ciclo Superior de Automoción e Ciclo Medio de Obras de Interior, Decoración e Rehabilitación.
Proxecto: saúde e emerxencias
O pasado luns 13 de novembro participamos nunha actividade para traballar en materia de saúde e emerxencias, dirixida ao alumnado de FP Básica.
A acción foi impartida por Camilo Vázquez Corveiras, enfermeiro, coordinador autonómico de SEMES RCP e Instructor Soporte Vital Avanzado; e por Mónica Fernández, responsable Programa Prevención Drogodependencias do Concello.
