XORNADA DE PORTAS ABERTAS
Visita o centro, coñece as instalacións e os diferentes ciclos ofertados para o curso 24/25.
Os horarios para as visitas son os seguintes:
- MARTES 25: de 10h a 13h
- MÉRCORES 26: de 10h a 13h/ de 18h a 21h
Igualdade
AURORA SAMPEDRO: A CIENTÍFICA DA MARIÑA ADIANTADA AO SEU TEMPO
O pasado 8 de abril tivo lugar na Biblioteca do centro a charla de Manuel Rivero titulada “Aurora Sampedro, a científica da Mariña adiantada ao seu tempo”. Unha actividade promovida pola Biblioteca e a Comisión de Igualdade para dar a coñecer a figura desta científica referente da contorna.
Charla con Silvia Rico 11 febreiro Día da Muller e a Nena na Ciencia
O pasado venres 16 de febreiro Silvia Rico acudiu ao centro para falar ao alumnado de Transporte e Mantemento de Vehículos da súa experiencia como campioa de pintura de coches nas Spain Skills no 2017. Unha actividade promovida pola Comisión de Igualdade no marco da iniciativa @11defebrero
https://www.instagram.com/11defebreroes?igsh=MTBqN25iMGphbzBvNQ==
Día da Paz e a Non Violencia – Imagine en Lingua de Signos
O alumnado de 2º de APSD interpreta a canción “Imagine” de John Lennon en Lingua de Signos Española para conmemorar o Día da Paz e a non Violencia, actividade encadrada no módulo de Apoio á Comunicación. Agredecémoslle á Federación de Asociacións de Persoas Xordas de Galicia a súa inestimable axuda.
RESUMO DAS ACTIVIDADES DA COMISIÓN DE IGUALDADE NO MES DE NOVEMBRO
Comezamos o mes de Novembro coa constitución da Comisión de Igualdade e a presentación do novo Plan de Igualdade 2023-2024, no que se establecen as líneas de traballo para o curso: saúde feminina e violencias machistas no primeiro trimestre, mulleres referentes no segundo e diversidade afectivo-sexual e saúde menstrual no terceiro.
Neste mes, elaboramos uns marcapáxinas para o profesorado con consellos para integrar a perspectiva de xénero na práctica docente e detectar posibles casos de violencia de xénero no ámbito educativo.
Participamos no Concurso de imaxes gráficas e pezas audiovisuais, con motivo do 25 de novembro “día internacional contra a violencia de xénero” convocado pola Secretaría Xeral da Igualdade e a Dirección Xeral de Ordenación e Innovación Educativa cun vídeo elaborado por un grupo de alumnas de 2º de Educación Infantil titorizado pola profesora Belén Blanco.
Así mesmo, convocamos o noso propio certame fotográfico para o 25N, no que resultaron premiadas a alumna de 1º APSD, Verónica Villamil e Laura Quiroga de 2º de Infantil. As alumnas recibiron libros de autoras galegas de temática feminista como agasallo (Luns de Eli Ríos, Golpes de luz de Ledicia Costas e a A cabeza da Medusa de Marilar Aleixandre).
Puxemos nos corredores unhas infografías sobre tipos de violencia machista elaborados a partir da publicación do Ministerio de Igualdade e decoramos os taboleiros cos traballos do alumnado de 2º de Educación Infantil.
A Comisión de Dinamización Lingüística do Centro convocou un certame de lemas para o 25N, saíndo vencedor o lema da profesora Belén Blanco.
Rematamos o mes coa conmemoración do 25N, onde lemos un manifesto elaborado polo alumnado de 1º APSD, interpretamos a canción “A veciña do cuarto” de Fillas de Casandra e fixemos un mural de mans colaborativo, deseñado pola alumna Antía García de 1º de Educación Infantil. Así mesmo, o alumnado de FP básica e 1º de Ciclo Medio acudiu ao auditorio a ver a película “Matria”, actividade organizada polo CIM de Ribadeo.
Charla sobre o cancro de mama – ADICAM
O venres 3 de novembro o alumnado de Servizos Socioculturais e á Comunidade asistiu a unha charla sobre o cancro de mama da man da Asociación ADICAM de Cangas do Morrazo, unha actividade promovida pola Comisión de Igualdade.
Axenda do mes de novembro- Comisión de Igualdade
Igualdade e diversidade: axenda do mes de novembro
Desde a Comisión de Igualdade seguimos visibilizando persoas e datas salientadas no feminismo e na loita polos dereitos humanos sen discriminación por motivos de xénero, identidade ou orientación sexual
Día contra o Cancro de Mama
Con motivo do Día contra o Cancro de mama, o alumnado de Primeiro Curso do Ciclo Medio de Atención a Persoas en Situación de Dependencia elaborou esta infografía resumo sobre a enfermidade.
Axenda do mes de outubro – Igualdade e diversidade
| Retomamos a actividade dende a Comisión de Igualdade e a Porta Lila neste curso 23/24 coa axenda do mes de outubro en materia de igualdade e diversidade. Coñece persoas referentes no ámbito da igualdade e a diversidade e anota as datas máis salientadas!  |