Novas

O 3 de decembro, Día Internacional das Persoas con Discapacidade, o CM de Atención a Persoas en Situación de Dependencia únese a iniciativa «Baixo o mesmo paraugas», xunto con máis de 100 organizacións de Galicia para visibilizar a realidade deste colectivo e defender os seus dereitos e a súa inclusión en tódolos ámbitos da vida.
Para continuar con esta conmemoración o próximo mércores día 10, 3 colectivos de personas con dependencia en diferentes ámbitos desplazaranse ao noso centro para presentarnos a súa actividade:

• discapacidade intelectual, Fundación Edes
• autismo, Aspanaes, e
• discapacidade física, Enki

Co gallo da conmemoración do Mes da Ciencia en Galego, o EDLG, coa colaboración do profesor de Ciencias Aplicadas, promoveu a participación do alumnado de 2º FPB de Servizos Administrativos e de 2º FPB de Mantemento de Vehículos nunhas videoconferencias, en
galego,dos científicos Marta Vila e Ángel Carracedo.
Estas videoconferencias foron organizadas por Igaciencia, a Institución Galega da Ciencia.

O alumnado dos ciclos formativos de Técnico Superior en Educación Infantil e de Animación Sociocultual visitamos hoxe en Santiago o Espazo educativo e de Lecer María Miramontes (Ludoteca) así como a Escola Infantil Semente Compostela (Escola de ensino do galego, e iniciativa impulsada por Anxel Casal parella de Maria Miramontes).
Achegámonos así a recursos nos que observar na práctica os contidos da aula e poder exercer nun futuro a nosa práctica profesional.

No Porta Da Auga seguimos conmemorando o Día Internacional dos Dereitos do Neno. Hoxe presentamos unha exposición na que o grupo de infantil explica con fotos o que é xogar para cada un deles e datos sobre a situación das nenas e nenos no mundo. Seguimos creando conciencia!

Co gallo de conmemorar o día da infancia na semana do 20N leváronse a cabo varias actividades. Tratouse dunha dinámica coa que achegar a toda a comunidade educativa novas impactantes sobre dereitos da infancia vulnerados.

Con tal fin, o día 20 de novembro rematamos ACF cunha xornada na que o alumnado do centro foi convidado a visitar os recunchos cos que o alumnado de Educación Infantil tratou de visibilizar algúns destes dereitos.

COÑECES O PROCEDEMENTO ARA?

Os alumnos do CIFP Porta da auga, de primeiro e segundo curso de electromecánica de vehículos, visitan acompañados dos seus profesores, as instalacións da empresa UROVESA, empresa galega líder na fabricación de vehículos 4×4 militares e vehículos especiais.
Alí puideron ver a cadea de producción do seu recoñecido vehículo táctico: o URO VANTAC.

Hoxe 11 de novembro no CIFP “Porta da Auga” o alumnado de Básica de Automoción e de Servizos administrativos participaron na actividade “Saúde e emerxencias” impartido dende Adiccións Zero Ribadeo aprendendo sobre as drogas, intoxicacións etílicas, nocións básicas de socorrismo, como realizar unha reanimación cardiopulmonar, como usar un desfibrilador, etc.

Ligazón a Instagram

O alumnado de 1º de CB Mantemento de vehículos, 1º CM Electromecánica, 1º CS Automoción, 2º Dual Intensiva de Instalacións eléctricas e automáticas e CS Modular de Sistemas electrotécnicos e automáticos visitou a competición de SKILLS 2025 en Silleda o 29 de outubro deste ano.