COORDINACIÓN DE BENESTAR E CONVIVENCIA
Comisión de convivencia
A comisión de convivencia do CIFP Porta da Auga está composta pola Dirección do centro, a Xefatura de Estudos, a Xefatura do Departamento de orientación, a Coordinación de Benestar e Convivencia, dous membros do claustro e dous representantes do alumnado.
– Elaborar e revisar o Plan de Convivencia
– Garantir o cumprimento das normas de convivencia no centro.
– Impulsar accións dirixidas á promoción da convivencia, especialmente para garantir a igualdade de oportunidades e a resolución pacífica de conflitos.
– Coñecer o cumprimento efectivo das correccións e medidas correctoras nos termos en que fosen impostas.
– Elaborar unha memoria anual sobre a análise da convivencia e a conflitividade no centro.
Equipo de Mediación Porta da Auga
Desde o curso 2016-2017 un grupo de alumnado e de profesorado do CIFP Porta da Auga decidiu comezar a formarse na aplicación de técnicas e estratexias favorecedoras da resolución pacífica de conflitos, pensando no conflito como unha posibilidade potencial para a aprendizaxe e o crecemento persoal. Como resultado deste traballo, en novembro de 2018 creábase no noso centro o equipo de mediación educativa destinado a promover e favorecer a convivencia e a resolución dos conflitos a través de vías dialogadas e non violentas, empregando para elo as habilidades sociais como un recurso imprescindible que garantiza o desenvolvemento da competencia social, incidindo deste xeito na mellora das relacións sociais, da vida persoal, e no desenvolvemento da práctica profesional.