O venres 31 de xaneiro, desde as coordinacións de Convivencia, Igualdade, Normalización Lingüística e Biblioteca, conmemoramos no centro o Día da Paz e da Non Violencia. Para tal fin desenvolveuse a actividade “As guerras invisibles” na cal cada grupo-aula se informou sobre un conflito en curso descoñecido ou invisibilizado mediaticamente para logo presentalo nun acto celebrado na biblioteca, decorada para a ocasión con collages sobre as diferentes conflagracións.
