COORDINACIÓN DE PROGRAMAS INTERNACIONAIS
O CIFP Porta da Auga ten unha longa tradición na realización de mobilidades erasmus para a realización de prácticas (FCT) no estranxeiro.
Dende o centro consideramos este tipo de accións como unha magnífica oportunidade para que o noso alumnado poida vivir unha experiencia enriquecedora e desenvolva novas competencias nos ámbitos lingüísticos e profesionais. Do mesmo xeito, consideramos que a participación no Programa Erasmus+, e o desenvolvemento dunha estratexia de internacionalización do noso centro a través do mesmo, tamén pode aportar unha maior calidade á ensinanza que impartimos, xa que nos facilita o acceso a outros contextos educativos e laborais nos que se levan a cabo prácticas profesionais diferentes ás nosas e das que podemos seguir aprendendo para mellorar no que facemos día a día.
Durante os derradeiros anos dende o noso centro educativo leváronse a cabo diversas mobilidades no marco dos diferentes Programas Erasmus. Participamos nos mesmos a través da elaboración de proxectos propios para a mobilidade de persoas que nos permiten ofrecer tanto ao noso alumnado, como ao noso profesorado, a posibilidade de realizar estadías formativas no estranxeiro . Países como Alemaña, Italia, Malta e Portugal foron algúns dos últimos destinos elexidos polas persoas participantes.
Na actualidade desde CIFP Porta da Auga renovamos recentemente as nosas acreditacións que certifican que somos unha institución avalada para realizar mobilidades erasmus cun estándar de calidade. Dispoñemos de:
- Carta ECHE: para a mobilidade de alumnado e persoal de educación superior (ciclos superiores).
- Acreditación VET (KA120): para a mobilidade de alumnado e persoal de ciclos medios e Fp Básica.
PUBLICACIÓNS
Bolsas Erasmus+ para o curso 2022-23
Listaxe provisional de alumnado que participa no Programa Erasmus+ durante o curso 2022-2023
Listaxe defintiva de alumnado que participa no Programa Erasmus+ durante o curso 2022-2023
Listaxe provisional de persoal que participa no Programa Erasmus+ durante o curso 2022-2023
Listaxe definitiva de persoal que participa no Programa Erasmus+ durante o curso 2022-2023
MOBILIDADES ERASMUS CURSO 2022-23
Parma
Marzo a Xuño de 2023
O noso alumno do CS de Automoción, Rubén Sande, realizou a FCT na empresa “Autoriparazioni-Elettroauto Di Giovanelli Alessandro”. Estivo realizando unha estadía dende o meses de marzo ata xuño podendo poñer en práctica todos os coñecementos adquiridos previamente no trancurso do ciclo.
As nosas profesoras dos departamentos de Administración e FOL, durante a mobilidade de Job Shadowing realizada en Sicilia, visitaron o instituto “E. Fermi” acompañadas polo persoal de Eprojectconsult, onde puideron afondar nalgunhas das características do sistema educativo italiano intercambiando información tanto co alumnado como co profesorado. Por outra banda, tamén visitaron empresas de diferentes sectores de actividade: Patronato INPAS, Canditfrucht S.P.A. TwoPro S.R.L e Catania Logistics S.R.L. As docentes tamén aproveitaron a súa estancia na illa para a busca de novos contactos que permitan a realización da FCT para o noso alumnado.
SICILIA
Xuño de 2023
GUASTALLA
Maio de 2023
A profesora Leticia López, do departamento de Servizos Socioculturais e á Comunidade, participou nunha mobilidade Erasmus dirixida a docentes do ciclo superior de educación infantil, impartida na localidade italiana de Guastalla, na rexión da Emilia Romana. Durante os días que durou a formación leváronse a cabo obradoiros con atelieristas, impartíronse seminarios por parte das coordinadoras pedagóxicas das escolas infantís da localidade e visitáronse varias escolas infantís e outros espazos como o Centro Internacional Loris Malaguzzi
FLENSBURGO
Outubro de 2022
No mes de outubro, o coordinador de programas internacionais, Adrián López, realizou unha mobilidade a Flensburgo para coñecer de primeira man unha experiencia pedagóxica de educación na natureza pioneira en Alemaña, o Waldkindergarten ubicado na cidade de Flensburgo, fundado en 1993 baixo a dirección pedagóxica de Petra Jäger.
O obxectivo da mobilidade foi o de profundar no coñecemento dunha metodoloxía educativa que toma como referente a relación que se establece entre as nenas e nenos e a natureza, baseada no respeto e o aproveitamento dos diferentes elementos que esta ofrece, e que serven de recursos pedagóxicos para favorecer o xogo libre e espontáneo, a creatividade, a toma de decisións e a responsabilidade, entre moitas outras competencias e capacidades. En definitiva, coñecer máis sobre unha contorna inmellorable para o desenvolvemento das crianzas.
CIFP Porta da Auga
Avda. de Luarca s/n CP27700 Ribadeo (Lugo)
Tfn: 982 128 894 | Correo-e: cifp.portadaauga@edu.xunta.es