O pasado luns, como conmemoración do día da muller emprendedora do día 19 de novembro, tivo lugar un taller de emprendemento para profesionais na atención a persoas en situación de dependencia impartido por unha antiga alumna deste centro educativo, Susana Álvarez Fernández (Susi), que creou a súa propia empresa de animación sociocultural. No taller participou o alumnado de 1º e 2º curso do CM Atención a Persoas en Situación de Dependencia, no cal Susana transmitiulles a necesidade de empatía para traballar coa xente maior e de formarse continuamente.
