O pasado día 20 de xaneiro o equipo de dinamización lingüística xunto co da biblioteca e o departamento de servizos á comunidade organizaron unha actividade na que a poñente Ana Meilán, escritora de literatura infantil lucense, veu a impartir un taller de contacontos para todo o alumnado do ciclo de Educación Infantil.
Este luns 24 de febreiro celebramos o Día de Rosalía que se conmemorou na xornada de onte co gallo do seu nacemento hai 188 anos.
O alumnado de 1º ASPD confeccionará un gorentoso “Caldo de gloria” que poderá degustar a comunidade educativa amenizada por unha foliada de gaiteiros e gaiteiras. O mesmo grupo e o alumnado de 1º de Infantil efectuarán a lectura do poema “Miña casiña. meu lar” da egrexia autora e realizarán cadros e collage que se exporán ao longo do centro.
Este vindeiro marzo celebraremos no centro o I certame de fotografía “Fotoloxía da Mariña“, no que poderán participar alumnado, persoal docente e non docente, nace co obxectivo de que os/as participantes expresen a través de imaxes a esencia e singularidade da contorna en que viven e a compartan con toda a comunidade educativa.
A pesar de que a temática aparece reflectida nas bases (fotografías relacionadas coa natureza, paisaxe rural ou urbana, sustentabilidade, actividades humanas vinculadas co territorio…) a idea é non restrinxir a creatividade dos/das participantes permitindo un espectro o máis amplo posible no que a única condición é a localización na Mariña ou no Occidente asturiano, pois a maioría do noso alumnado ten esa procedencia.
Consulta as bases e participa!
Exposición: Rosalía, de plena actualidade!
Para conmemorar o Día de Rosalía (23 febreiro) cada alumno/a ten que seleccionar un dos seus poemas (lembrade de poñer a obra á que pertence) e acompañalo dunha imaxe ou noticia de actualidade que estea relacionada coas ideas que transmite a composición.
Podedes consultar unha escolma de poemas na seguinte ligazón:
https://antelafala.blogspot.com/2023/02/rosalalia-na-tua-man.html
Tamén achegamos unha serie de recursos que poden ser do voso interese para conmemorar o Día de Rosalía de Castro, o vindeiro 23 de febreiro.
Aulas Galegas: https://aulasgalegas.org/?s=Día+de+Rosalía
O Portal da Lingua Galega: https://www.lingua.gal/o-galego/promovelo/equipos-de-dinamizacion-da-lingua-galega/datas-sinaladas
Fundación Rosalía de Castro: https://rosalia.gal
Xa temos os gañadores do concurso de postais de Nadal. Para elixir as tres mellores tivemos en conta non só o deseño, senón tamén a mensaxe para demostrarlles aos nosos maiores por que son un referente para os máis novos.
1º premio: Ayoub Rahouani
2º premio: Laura Quiroga
3º premio: Beatriz Loredo
Queremos desexarvos un bo Nadal e un próspero Aninovo en compañía dos vosos seres queridos!
Graciñas a todos/as pola vosa participación.
Para poñer fin á celebración do Samaín, entregamos os premios aos gañadores/as do concurso de microrrelatos de medo. Os participantes demostraron ter moito talento á hora de crear e conseguiron que tivésemos medo ao ler as súas composicións!
1º Premio: Laura Quiroga Rivas
2º Premio: Adolfo Pascual Romero Borja
3º Premio: Ayoub Rajouani
Moitos parabéns!